სტეფანე მღებრიშვილის კონცერტი ფილარმონიაში გაიმართება
მუსიკოსი სტეფანე მღებრიშვილი 7 ივნისს, ფილარმონიის დიდ საკონცერტო დარბაზში, სოლო კონცერტს გამართავს.
წინასაკონცერტო მზადებასა და სამომავლო გეგმების შესახებ სტეფანე რადიო „დარდიმანდს“ ესაუბრა.
სტეფანე, როგორ მიდის მსმენელთან შეხვედრის სამზადისი?
გავდივარ რეპეტიციებს ჩემს ბენდთან ერთად, მაყურებელს 7 ივნის ძალიან კარგი და დასამახსოვრებელი საღამო ელოდება.
ძველ, ნაცნობ ჰიტებთან ერთად, ალბათ, შესრულდება ბოლოდროინდელი ნამუშე ვრებიც?
რა თქმა უნდა, გაჟღერდება როგორც ძველი ასევე ახალი კომპოზიციები, მათ შორის ქავერ ვერსია - „ჩემი აღარა ხარ, მორჩა“ და „დამიბრუნდი“.
სად შეუძლია კონცერტზე დასწრების მსურველს ბილეთების შეძენა?
ბილეთების გაყიდვა უკვე დაიწყო, შეგიძლიათ TKT.ge -ზე და ფილარმონიის სალაროეში. გეტყვით, რომ ეს იქნება განახლებული პროგრამა, რომელიც ფილარმონიის მასშტაბებზეა გათვლილი.
შეგახსენებთ, რომ მუსიკოსის კონცერტი 7 ივნისs, 20:00 საათზე დაიწყება და მსმენელს კიდევ ერთი დაუვიწყარი საღამო ელოდება.
გეტყვით იმასაც, რომ სტეფანე პირველი ქართველი მუსიკოსია, რომელიც MTV ევროპის ჩარტებში მოხვდა და 2010 წელს “MTV Like Georgia” მიიღო.
მარიამ ნებიერიძე.
რადიო დარდიმანდი . 2018 წელი
