მომღერალი გიო ხუციშვილი გარდაიცვალა
56 წლის ასაკში მომღერალი გიო ხუციშვილი გარდაიცვალა.
მომღერალი დიდი ხნის განმავლობაში მძიმე დაავადებას ებრძოდა, მკურნალობდა ისრაელში და ბოლო პერიოდში თავს კარგად გრძნობდა, სულ ცოტა ხნის წინ შემსრულებელს ფილარმონიის წინ ვარსკვლავიც გაუხსნეს, 29 მაისს, ვარსკვლავის გახსნის დღეს, გიო ხუციშვილმა კონცერტიც გამართა, სადაც შვილთან, ზუკა ხუციშვილთან და სხვადასხვა შემსრულებლებთან ერთად ცნობილი ჰიტები შემოგვთავაზა.
მის გარდაცვალების ფაქტს სოციალურ ქსელში უამრავი ქართველი მომღერალი გამოეხმურა, მათ შორის იყო ნატო გელაშვილი, რომელთანაც გიო ხუციშვილი ყველასთვის საყვარელ სიმღერას „აყვავდება როცა ნუში“ ასრულებდა.
მის შემოქმედებას ეკუთვნის ბევრი კომპოზიცია, რომელიც ჰიტად არის ქცეული, მათ შორისაა „ზღვა ღელას“, რომელსაც პროექტ „გიო და ბიჭებთან“ ერთად ასრულებდა.
მომღერალს ჰქონდა უამრავი დასამახოსვრებელი კინო როლიც ფილმებში: „სიყვარული ყველას უნდა“, „ხარება და გოგია“, „სანამ წვიმა გადაიღებს“ და უამრავი სხვა.
რადიო „დარდიმანდი“ უერთდება გიო ხუციშვილის ოჯახის წევრებისა და მეგობრების მწუხარებას.
მარიამ ნებიერიძე
რადიო "დარდიმანდი" . 2018 წელი