ბათუმში სოფო ხალვაშის საღამოს ვალერი მელაძე სტუმრობდა
18 აგვისტოს მომღერალმა სოფო ხალვაშმა, ბათუმში, დამსვენებლებისთვის ლაივ კონცერტი გამართა, სადაც მან ცნობილი სიმღერების ქავერ ვერსიები შეასრულა.
შოუს სპეციალური სტუმარი კი, ცნობილი ქართველი მომღერალი, ვალერი მელაძე გახლდათ, ის საქართველოში სპეციალურად ამ დღისთვის ჩამოვიდა და მაყურებელს რამდენიმე კომპოზიციაც შეუსრულა.
„ვალერი სპეციალურად ამ დღისთვის ჩამოვიდა, შეასრულა რამდენიმე სიმღერა, მათ შორის ვიმღერეთ „თბილისოც“. რაც ყველაზე მთავარია, მაყურებელი კმაყოფილი დარჩა“- აღნიშნა სოფო ხალვაშმა რადიო დარდიმანდთან საუბრისას.
მომღერალი ბოლო ხანია ბათუმში ცხოვრობს, თუმცა, როგორც ამბობს, მალე თბილისს დაუბრუნდება და აქაურ მაყურებელს ბევრ საინტერესო პროექტს შესთავაზებს.
მარიამ ნებიერიძე.
რადიო დარდიმანდი . 2018 წელი
