18 ნოემბერს, 13:00 საათზე ჟურნალისტ ბესო ჩუბინიძის წიგნის „უკან მომავალში“ პრეზენტაცია გაიმართება.

საღამო  საქველმოქმედო ხასიათისაა, ადგილზე რეალიზებული წიგნების სრული თანხა გადაირიცხება სოციალურ პროექტში „ვაჩუქოთ ღიმილი ბავშვებს.“

ნაწარმოები „უკან მომავალში“  დოკუმენტურ-ისტორიული რომანია, რომელიც ნაწილობრივ ფანტასტიკის ჟანრში ვითარდება: - 2008 წლის ცხინვალის ომის დროს შვილმოკლული მამა,  სოსო შუბითიძე, 20 წლის ჯარისკაცი შვილის, აჩოს დაკარგვით მიღებული ფსიქოლოგიური სტრესის გავლენით - წარსულში, 90-ანი წლების საქართველოში, დღეს რეალური საოკუპაციო ხაზის ადგილიდან მოხვდება.

წიგნის ავტორი - ხსნის საკუთარ დახურულ არქივებს და მკითხველს, ადვილად წასაკითხი და აღსაქმელი რომანის ფორმატით  90-იანი წლების საქართველოს დღემდე ბევრ საიდუმლო ისტორიას სთავაზობს.

წიგნის შესახებ უფრო ვრცლად 18 ნოემბერს თავად ავტორი ისაუბრებს.

მარიამ ნებიერიძე.

რადიო „დარდიმანდი“ . 2018წელი.