„ცეკვავენ ვარსკვლავებში“ ქართული ტური გაიმართა,მონაწილეებს თავიანთი შესაძლებლობების ჟიურის წინაშე გამოვლენა კიდევ ერთხელ მოუწიათ.
შოუ გიორგი ორბელაძემ და ირა კვიტინსკაიამ ცეკვა „ოსურით“ გახსნეს, კონკურსის ერთ-ერთმა მონაწილემ ამიკო ჩოხარაძემ, თავის მეწყვილესთან , ჯულიანა ბარგნართან ერთად ცეკვა „აჭარული“ შეასრულა. მაყურებლისთვის დასამახსოვრებელი აღმოჩნდა მომღერალ ნინო ჩხეიძისა და რამაზ ლაზარიშვილის „ყარაჩოღლური“ ცეკვაც.
ქართულ ცეკვაში მონაწილეები გოჩა ჩერტკოევის გარდა, ნინო და ილიკო სუხიშვილებმა შეაფასეს და შოუს ორგანიზატორებს გამართული ტურისთვის მადლობა გადაუხადეს. სუხიშვილების გადაწყვეტილებით შოუ არც ერთ მონაწილეს არ დაუტოვებია.
„ცეკვავენ ვარსკვლავები“ მომავალ ორშაბათს კვლავ პირდაპირ ეთერში დაბრუნდება.
მარიამ ნებიერიძე.
რადიო „დარდიმანდი“. 2018წელი.
