საშობაო ალილოს მსვლელობა რესპუბლიკის მოედნიდან 14:00 საათზე დაიწყება.

მსვლელობა სამების ტაძართან დასრულდება, მთელი დღის განმავლობაში შეგროვებულ ნობათს მზრუნველობას მოკლებულ ბავშვთა სახლებში, მოხუცთა თავშესაფრებსა და პენიტენციურ დაწესებულებებში გაგზავნიან.

თბილისის გარდა, ალილო საქართველოს რეგიონებშიც მოეწყობა.

მონაწილეები პირველი რესპუბლიკის მოედნიდან გაივლიან რუსთაველის გამზირს, პუშკინის ქუჩას, ბარათაშვილის აღმართს, ავლაბრის მოედანს, მესხიშვილის, გონაშვილისა და სამრეკლოს ქუჩებს.

ალილოს ტრადიცია საქართველოში V-VI საუკუნიდან იღებს სათავეს. მისი აღნიშვნა ბოლო რამდენიმე წელია აღდგა.

მარიამ ნებიერიძე

რადიო “დარდიმანდი” 97.1