ქეთი მელუა თბილისში ახალ ალბომზე მუშაობს
მომღერალი ქეთი მელუა თბილისში გორის ქალთა კამერულ გუნდთან ერთად ახალი
ალბომის ჩასაწერად ჩამოვიდა, ამის შესახებ მომღერალმა თავის Facebook-გვერდზე
ვიდეოჩართვაში ისაუბრა.
ის საქართველოს თავის პროდიუსერებთან ერთად ეწვია და ახალ სიმღერებს
"ლენო რეკორდსში" წერენ.
ქეთი მელუა გორის ქალთა კამერულ გუნდთან დიდი ხანია თანამშრომლობს. არტისტებმა
რამდენიმე კომპოზიცია 2016 წელსაც ჩაწერეს და 2019 წელს ევროპის 37 ქალაქში
ერთობლივ ტურნეშიც გაემგზავრნენ.
შეგახსენებთ, რომ საქართველოს ექს-პრეზიდენტმა გიორგი მარგველაშვილმა ქეთი მელუა
საზღვარგარეთ ქართული კულტურის პოპულარიზებაში შეტანილი წვლილისთვის, ასევე
ნაყოფიერი შემოქმედებითი საქმიანობისთვის „ღირსებით ორდენით“ დააჯილდოვა.
