ქართულ-ამერიკული პრემიერა რადიო დარდიმანდზე
ყოველკვირეულ გადაცემას "პრემიერა" "ალილოს" ერთ-ერთი წევრი და მსმენელისთვის კარგად ნაცნობი შემსრულებელი, გია დავითიანი სტუმრობდა.
მან "დარდიმანდის" მსმენელებსა და ქართული მუსიკის მოყვარულებს ახალი სიმღერა
წარუდგინა.
სასიხარულოა ისიც, რომ ახალი კომპოზიციის პრემიერა, რომლის სახელწოდებაც
"დედა" გახლავთ, სწორედ 3მარტს , დედის დღეს პირველად "დარდიმანდის" ეთერში შედგა.
ლექსის ავტორი ლელა ნინუა, ხოლო მუსიკის ავტორი მომღერალი და კომპოზიტორი დავით არჩვაძეა.
შეიძლება ითქვას, რომ გადაცემაში სიმღერის ქართულ-ემერიკული პრემიერა შედგა,
რადგან აღნიშნული კომპოზიცია სწორედ ამერიკაში დაიწერა და აუდიო ვესრიის სახით ნიუ-იორკშიც გაჟღერდა.
"ლექსის ავტორი ამერიკაში მოღვაწე ლელა ნინუაა, ხოლო მუსიკის ავტორი დათო არჩვაძეა,
ვინც აქამდე მოისმინა, ყველას ძალიან მოეწონა, ეს სიმღერა დედას ეძღვნება, რომელიც ცოტა ხნის წინ 85 წლის გახდა... მინდა ვისარგებლო შემთხვევით და დღევანდელი დღე ყველა დედას მოგილოცოთ, ვისურვებდი, რომ ასეთი დღეები ყოველთვის სასიხარულო ყოფილიყოს ჩვენთვის"-გია დავითიანი.
ახალი სიმღერის მოსმენა რადიო"დარდიმანის " ეთერში დღეიდან შეგიძლიათ.
გადაცემა "პრემიერა" კი პირდაპირ ეთერში მომავალ სამშაბათს დაბრუნდება.
