მსახიობი მიშა გომიაშვილი ახალ კომედიურ ფილმში მონაწილეობს .

 ფილმს “ჰეფი ენდი”  (ბედნიერი დასასრული) ჰქვია და რუსეთისა და ტაილანდის ერთობლივი ნამუშევარია.

მიშა გომიაშვილი ფილმში მთავარ როლს ასრულებს. მისი გმირი ტაილანდის ერთ-ერთ სანაპიროზე მოდის გონს და არ ახსოვს არც თავისი სახელი, არც მიზეზი, რისთვის აღმოჩნდა ასე შორს სახლიდან.

როგორც შემოქმედებითი ჯგუფი ირწმუნება, საინტერესოდ და ორიგინალურად განვითარებული ისტორიით მაყურებელი კარგად გაერთობა.

ფილმის პრემიერა რუსეთში 14 მაისს გაიმართება.